Englishابدأ الآن
بطاقة ولاء في Apple Wallet و Google Wallet

خلّ عملاءك
يرجعون لك.

بطاقة ولاء رقمية تنضاف لجوال عميلك بلمسة، بدون تطبيق. يجمع أختامه ويكسب مكافآته، وأنت تعرف مين يرجع ومين غاب.

ابدأ مع سوارشوف كيف يشتغل

من أول زيارة لين المحفظة، بثلاث خطوات.

كل اللي يحتاجه عميلك جواله. لا تطبيق يحمّله، ولا نموذج يعبّيه.

  1. 1

    يصوّر رمزك

    رمز عند الكاونتر أو على الطاولة. يوجّه كاميرا جواله عليه، وتفتح صفحتك.

  2. 2

    يختار محفظته

    Apple Wallet أو Google Wallet، بلمسة وحدة. بدون تطبيق ولا تسجيل.

  3. 3

    تنحفظ في جواله

    البطاقة في محفظته، ومع كل زيارة ينضاف الختم وتتحدّث لحالها.

مو بس بطاقة أختام.

سوار نظام كامل لنشاطك: الولاء، وصفحة لخدماتك أو منتجاتك، والفروع، والكاشير، وتحليل عملائك. كله من لوحة وحدة.

  1. بدون أي تطبيق

    البطاقة تنضاف لـ Apple Wallet أو Google Wallet، وتطلع لعميلك كل ما فتح محفظته.

  2. أختام بهدايا على الطريق

    عميلك ما ينتظر لين آخر البطاقة. حط هدية في النص ومكافأة في النهاية، والبطاقة تقول له كم باقي.

  3. خدماتك أو منتجاتك

    اعرضها بأسعارها، في نفس الصفحة اللي يضيف منها عميلك بطاقته.

  4. كل فروعك

    عميلك يشوف فروعك على الخريطة، وكل ختم ينحسب لفرعه.

  5. الكاشير بمسحة

    من أي جوال أو تابلت، بدون أجهزة إضافية. يمسح رمز العميل وينضاف الختم.

  6. ملف لكل عميل

    زياراته ومكافآته وآخر مرة جاك، وتعرف عملاءك المميزين من أول نظرة.

  7. اعرف مين يرجع، ومين غاب

    تحليل لعملائك وزياراتهم، يقول لك مين تأخر عن عادته عشان ترجّعه قبل لا تخسره. شوف التحليلات

عملاؤك اللي غابوا، نرجّعهم لك.

لوحة سوار تعرض لك مين انضم، ومين رجع، ومين انقطع عن عادته. أرقام واضحة تساعدك تقرر وترجّع اللي غابوا قبل لا تخسرهم.

  • رحلة كل عميل

    وين يوقف عملاؤك: من الانضمام لين أول مكافأة.

  • مين رجع ومين غاب

    نسبة العودة، وصفحة لكل عميل بآخر زيارة له.

  • متى يزحم محلك

    أوقات الزحمة والهدوء، عشان ترتّب موظفينك وعروضك.

  • فروعك وفريقك

    زيارات كل فرع، وأختام كل موظف.

محد بيحمّل تطبيق عشان غسلة سيارة.

ولا عشان قهوة أو قصّة شعر. عشان كذا بنينا سوار على شي موجود في كل جوال أصلاً: المحفظة.

الطريقة القديمة
  • تطبيق يحمّله وحساب يسجّله
  • رقم جوال يكتبه كل زيارة
  • بطاقة ورقية تضيع أو تنسى في البيت
مع سوار
  • يمسح رمزك ويدخل بحساب Google أو Apple
  • بطاقته في المحفظة، ما تضيع ولا تنسى
  • الكاشير يختم بمسحة، والبطاقة تتحدّث لحالها

ابدأ اليوم،وخلّ أول عميل يرجع بكرة.

اترك بياناتك ونتواصل معك في نفس اليوم. نجهّز معك البطاقة وصفحتك وفروعك، وتبدأ تستقبل عملاءك من يومك.

  • تشتغل في نفس اليوم
  • بدون أجهزة إضافية، جوالك يكفي
  • نساعدك خطوة بخطوة لين أول عميل
info@sewartech.comالرياض، المملكة العربية السعودية

جوال سعودي يبدأ بـ 05 أو +966

الأسئلة الشائعة

وش هو سوار؟

سوار برنامج ولاء رقمي للمقاهي والمطاعم والمحلات في السعودية. عميلك يحصل على بطاقة أختام في Apple Wallet أو Google Wallet، يجمع أختامه مع كل زيارة ويكسب مكافآته، وأنت تعرف مين يرجع ومين غاب.

هل يحتاج عميلي يحمّل تطبيق؟

لا. يصوّر رمز متجرك بكاميرا جواله، يدخل بحساب Google أو Apple، وتنضاف البطاقة لمحفظة جواله بلمسة.

يشتغل على الآيفون والأندرويد؟

نعم. على الآيفون تنضاف البطاقة لـ Apple Wallet، وعلى الأندرويد لـ Google Wallet.

كيف يعطي الكاشير الختم؟

يفتح سوار على جوال أو تابلت المتجر ويمسح رمز البطاقة من جوال العميل. الختم ينضاف فوراً، والبطاقة في محفظة العميل تتحدّث لحالها.